Continúa en Lugo o xuízo vinculado coa operación Pokemon. O principal acusado é o exconcelleiro e expresidente da Confederación Hidrográfica Miño-Sil Francisco Fernández Liñares.

Este mércores os axentes de Vixilancia Aduaneira detallaron, como a través de escoitas e seguimentos, descubriron como se realizaban os presuntos amaños dos concursos e sinalaron que na vivenda de Liñares atoparon documentación con iniciais e anotacións numéricas que cren que se corresponden coas comisións que se pagaban.

Estas declaracións concordan co manifestado onte por 8 dos 9 empresarios acusados que recoñeceron que lle pagaron a Liñares importantes cantidades de diñeiro, uns feitos que o exconcelleiro negou e que o seu avogado achaca a estratexias de defensa.