Esta tarde quedará constituído o Consello Técnico de Atención Primaria, un órgano asesor para o novo modelo do primeiro nivel asistencial. Estarán representados os colexios profesionais do ámbito sanitario, as sociedades científicas e as asociacións de usuarios.

Entre as súas funcións está a de avaliar as necesidades de recursos humanos, ou analizar a organización da Atención Primaria. Tamén proporá programas de actuación sanitaria.

A creación deste consello foi acordada pola consellería de Sanidade e os sindicatos na véspera da folga prevista para o mes de abril.