Canda a xestión da pandemia, outro dos asuntos que preocupa é a chegada dos fondos europeos para paliar a crise económica provocada polo coronavirus. Hai luz verde entre o Consello e o Parlamento Europeo sobre as condicións para acceder aos fondos de recuperación, logo de que Hungría e Polonia aceptasen ese mecanismo de respecto do Estado de dereito.

Eses últimos cambios pactados no Cumio Europeo foron aprobados xa este venres. Mantense o freo de emerxencia que esixiron os países frugais para que o resto de socios cumpran coas recomendacións de Bruxelas a obter esas axudas comunitarias.

España terá que traballar para eliminar a temporalidade e dualidade do seu mercado laboral, ao tempo que garante a sostibilidade do sistema de pensións.