A dirección do BBVA e os sindicatos comezaron as negociacións para aplicar un expediente de regulación de emprego na entidade. Nesta primeira xuntanza, o banco non puxo ningunha cifra sobre a mesa, aínda que segundo varias fontes, o axuste podería afectar uns 3.000 traballadores, case o 10% do cadro de persoal. A entidade si explicou que os recortes se farán alegando diminución de beneficios e cambios organizativos derivados da transformación dixital.