Esta noite comezan as Festas do Apóstolo 2021 e, outro ano máis, están adaptadas á situación epidemiolóxica. As celebracións redúcense a 11 días, haberá fogos pero descentralizados como o ano pasado e concertos con limitación de ocupación. A lectura do pregón está a piques de empezar, ás nove e media, e correrá a cargo da asociación folclórica Cantigas e Agarimos , co gallo do seu 100 aniversario.