CRTVG

Buscar

Comeza o xuízo contra o hostaleiro vigués acusado de abusar de menores

Publicado o 11/02/2019 19:02

Os feitos tiveron lugar entre os anos 2015 e 2017. Supostamente, o acusado aproveitaba o contacto con menores no restaurante que rexentaba e engaiolábaos cunha vida de luxo. O hostaleiro estivo un ano e dez meses en prisión preventiva, pero agora está en liberdade. Cinco dos menores non superaban daquela os 16 anos.

O xuízo celébrase a porta pechada para protexer a intimidade das vítimas. O fiscal pide para o hostaleiro vigués, coñecido como Papuchi, un total de 54 anos de prisión por delitos continuados de abuso sexual, exhibicionismo, provocación sexual e exhibición de pornografía. Ademais, solicitan outros dez de liberdade vixiada con ordes de afastamento e indemnizacións por valor de 38.000 euros. A acusación particular pide unha pena maior, xa que considera o delito de agresión sexual.

 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

11/02/2019