Este serán deu comezo a novena edición do festival Ikfem, que une música e moda e que se celebra dacabalo entre as cidades de Tui e de Valença do Miño. Cada xornada do festival a mostra irá mudando para dar paso a artistas emerxentes, pero son de Ágatha Ruiz de la Prada os deseños que erguen o pano deste festival que une música e moda na raia.

Logo de programar concertos en lugares insólitos, o certame empeza a súa novena edición adaptado aos tempos. Do concerto inaugural ocúpanse a pianista de Donostia Marta Zabaleta e o seu colega do Porto Miguel Borges. O seu programa está baseado nos ballets de Stravinsky.

Un recital homenaxe ás poetas da xeración do 27 a cargo de Sheila Blanco, jazz, flamenco e electrónica completan o cartel musical do Ikfem ata a fin de semana.