España xoga estes días en Bruxelas o futuro máis inmediato. Necesita que cheguen rápido os fondos de reconstrución, pero para iso cómpre un acordo entre todos os estados.

O cumio comeza hoxe, pero as esperanzas son mínimas. Recoñéceno fontes do Consello Europeo porque hai grandes discrepancias e moitas pontes que tender. Varios gobernos do norte de europa esixen menos transferencias de balde, pero hai un novo elemento de discrepancia: a vixilancia, a supervisión de todo este plan económico.

Toda a presión está sobre Países Baixos. Mantén unhas condicións inaceptables para os demais. Reformas a cambio das axudas pero ademais poder vetalas se non as considera suficientes. En fronte ten a Francia, Italia, Portugal ou España.

O cumio podería prolongarse ata o domingo. Ou mesmo programar outra nova cita se fora necesario.