A contorna da lagoa da Frouxeira é unha ventá ao océano Atlántico. Son precisamente estas vistas as que busca quen elixe acampar nestas tendas de glamping. As reservas disparáronse desde hai dúas semanas.

O turismo interno segue a ser o principal motor da actividade destes establecementos turísticos.

E o mesmo está a ocorrer noutras instalacións de glamping en Galicia. Despois dun ano complicado, o sector fai balance e é optimista.

Aínda así neste cámping din que este verán autolimitarán a ocupación ao 70 % para maior comodidade dos turistas que decidan pasar o seu tempo de lecer aquí.