Coa praza case baleira, así se celebrou este xoves o mercado de Ponteareas. Nel atopamos sobre todo froitas e verduras, algo moi apreciado polos habituais a este tipo de citas en que se vende sobre todo produto fresco e de proximidade.

Vendedores e compradores desexaban xa reencontrarse despois de case dous meses de inactividade.
Malia a apertura, moitos teñen aínda certo temor e actúan con toda precaución e cautela.

Nótase a falta dos postos de roupa, un gran reclamo destas feiras. Polo de agora só están acudindo vinte dos cento trinta e catro feirantes habituais. O sábado a afluencia é maior.