Cinco persoas que foran diagnosticadas de coronavirus faleceron este xoves nos hospitais de Galicia, segundo informa o Sergas. Eran tres mulleres de 96, 83 e 90 anos e un home de 85, todos eles estaban ingresados no Complexo Hospitalario de Ourense. A muller de 96, a de máis idade dos falecidos hoxe, procedía da residencia Os Gozos, do Pereiro de Aguiar.

O quinto falecido nesta xornada é un home de 85 anos que estaba ingresado no Hospital Lucus Augusti.

Estes cinco mortos elevan a 808 as vítimas da covid-19 en Galicia desde o incio da pandemia. A segunda vaga xa lles custou a vida a 189 persoas.