Cinco persoas quedaron feridas esta mañá nun aparatoso accidente entre tres vehículos en Cambados.

Ocorreu pouco antes das nove e media na autovía que une a localidade con Vilagarcía. Por causas que se descoñecen, un dos vehículos perdeu o control nun adiantamento e foi bater contra os outros dous turismos.

Ao lugar do suceso acudiron efectivos da Garda Civil, Protección Civil e os bombeiros de Ribadumia, que tiveron que liberar dúas persoas de entre os ferros. Ademais, desprazáronse ao punto varias ambulancias, que trasladaron os feridos ao hospital do Salnés.

Como consecuencia do accidente, interrompeuse a circulación á altura da parroquia de Corvillón.