A chegada de migrantes a España non cesa. Só este domingo chegaron á costa española máis de 200 persoas.

Vinte e tres magrebís, entre eles tres mulleres e un neno, foron rescatados de dúas embarcacións, en augas próximas a Carboneras, Almería. Na mesma zona morreu un menor migrante de orixe marroquí e outro resultou ferido. Os dous chegaran tamén nunha pequena embarcación e ambos intentaban fuxir por uns cantís cando sufriron unha caída.