A Garda Civil de Tráfico realizou catro mil probas de alcol e case duascentas de drogas a condutores que circularon polas estradas galegas entre o día de fin de ano e o mediodía do día un. Algo menos de cen condutores deron positivo no control de alcolemia e 11 deles terán que comparecer nun xuízo rápido. 17 condutores deron positivo no test de drogas. Os axentes sorprenderon un home de 80 anos, na autoestrada do Atlántico, na zona de Ferrol, conducindo a pesar de que xa non conservaba ningún punto no carné.