A ministra de Educación, Isabel Celaá, anunciou que o alumnado de 12 a 17 anos empezará o curso vacinado contra a covid-19 e lembrou que a decisión depende do Ministerio de Sanidade, co que traballan "conxuntamente", dixo.

A ministra fixo estas declaracións antes de participar no seminario 'A Lomloe: un paso adiante cara á calidade, equidade e excelencia da educación no noso país', organizado pola Deputación de Barcelona.

Segundo a ministra, a intención do Ministerio de Sanidade é que a vacinación deste colectivo se leva a cabo dúas semanas antes do inicio de curso.

Celaá amosouse convencida de que o curso 2021-22 "empezará con máscaras nas aulas" e valorou o seu uso durante este próximo curso como algo "altamente positivo".