As instalacións da Madroa están xa preparadas para recibir a trinta xogadores espallados por catro campos. Ninguén do primeiro equipo deu positivo nos primeiros test do Covid-19...e co filial xa de vacacións mañá presentaranse en sociedade o extremo ganés Yaw Yeboah, veloz e con clase. Un todocampista como Jacobo González, o polivalente defensa José Fontán, o centrocapista distribuidor Sergio Bermejo, o gardaredes serbio Dragan Rosic e o potente diantero Javi Gómez.

"O que lle poden aportar estes xogadores é a oportunidade de estar preparados ante posibles contratempos que xurdan na competición", explicou o analista da TVG, Fredi Álvarez.

Malia as súas intermitencias, sobresae entre todos eles o futbolista manicho cedido polo Numancia. Un extremo con gol.

"Yeboah é un xogador que pode aportar desborde e velociade", sinalou Fredi.

E ollo con Javi Gómez, se marca nos adestramentos goles coma este que lle facturou ao Raio Majadahonda co filial, quen sabe se poderá ter un oco no primeiro equipo.