Xornada de reencontros este sábado no aeroporto de Peinador. Arredor de cen galegos e galegas que viven por toda España, pero tamén no estranxeiro chegaban a Galicia para iniciar mañá o camiño de Santiago.

Divididos en dous grupos farán os últimos cen quilómetros do camiño portugués e do camiño da prata ata chegar a Santiago e formarán parte do programa Conecta co xacobeo 2021 que pon en marcha o Goberno galego. Todos eles están vinculados a unha entidade galega no estranxeiro e serán os encargados de promover esta experiencia fóra das nosas fronteiras.

Cunha foto de familia inician un camiño que arrincará este domingo, e que rematará o vindeiro sábado coa súa chegada a Santiago de Compostela.