A Xunta pecha este domingo o primeiro grupo de oposicións que se viron afectadas pola pandemia da covid-19.

Esta xornada houbo exames en Santiago, Lugo e Silleda. Os que se presentaron optan a prazas de ordenanzas e persoal subalterno da Xunta. Son 14.400 persoas que compiten por 208 prazas. Un operativo de 200 persoas garante o cumprimento das medidas de seguridade en cada proba nos tres recintos.

Ao longo destes meses concorreron máis de 46.700 aspirantes para 2.075 prazas de emprego público.

Esta xornada houbo exames en Santiago, Lugo e Silleda. Os que se presentaron optan a prazas de ordenanzas e persoal subalterno da Xunta. Son 14.400 persoas que compiten por 208 prazas. Un operativo de 200 persoas garante o cumprimento das medidas de seguridade en cada proba nos tres recintos.

Ao longo destes meses concorreron máis de 46.700 aspirantes para 2.075 prazas de emprego público.

En ringleiras e distanciados, os opositores agardan para entrar ao exame no recinto Feiral de Amio en Santiago. Son ás nove da mañá e a imaxe é semellante nas sedes de Silleda e de Lugo onde se celebran as probas de xeito simultáneo. Aspiran a unha praza de ordenanza ou de persoal subalterno da Adminstración galega. Enfróntanse a unha proba tipo test e compiten por unha das 208 prazas.

"Concorren preto de 14.400 aspirantes en Santiago Lugo e Silleda. Ao longo destes meses concorreron 46. 700 opositores para 2.075 prazas da administración autonómica. Estás son unhas oposicións seguras fanse co aval das autoridades sanitarias", di Xosé María Barreiro , Director xeral de Facenda.

Con estes exames a administración galega pecha o primeiro grupo de oposicións celebradas durante a pandemia.

Un operativo de seguridade integrado por uns 200 profesionais garante o cumprimento das medidas de seguridade en cada proba


Tras dúas horas de exame, a sorte está botada.