O tomiñés Roi Rodríguez despediuse do soño olímpico que agora ten na súa man a pontevedresa Carolina García. García, da Escola Cidade de Pontevedra, e a asturiana Sara Ouzande gañaron a praza do K2−500 metros para o preolímpico. Venceron con autoridade, por dous segundos de diferenza ás favoritas, a vasca Begoña Lazcano e a catalá Laia Pèlach. Carolina García ten agora tres semanas por diante para preparar o asalto aos xogos. Será a mediados de maio na Copa do Mundo de Hungría. Nos próximos días outros galegos poderían lograr clasificación para o preolimpico.