Imos co Celta, con protagonismo esta mañá para o seu presidente. Carlos Mouriño evitou falar do equipo e de Cardoso. Mouriño visitou as obras da Cidade Deportiva que o club constrúe en Mos. A pé de obra puido comprobar que as escavadoras xa traballan na construción dos campos de fútbol onde se adestrará o primeiro equipo e o filial. O presidente do Celta é categórico ao afirmar que o proxecto irá con área comercial.