Carla Vijande é unha nena luguesa que, con apenas 8 anos, ten asumida e normalizada a enfermidade rara que padece desde que naceu. Aos 10 meses, despois de múltiples ingresos e infeccións, diagnosticáronlle unha inmunodeficiencia combinada grave por déficit de ADA, era unha 'nena burbulla'.

Con apenas un ano fixéronlle un transplante de medula ósea no Hospital Vall d'Hebrón que lle salvou a vida, ainda que ten secuelas nun pulmón. Seus pais e outras familias con problemas semellantes cren que debería incluírse a detección destas doenzas na proba do talón aos neonatos. Garantiría a supervivencia sen secuelas, xa que os transplantes nos primeiros mese de vida son fundamentais,

Por sorte, Carla recuperouse. Fanlle revisións cada 6 meses no hospital Vall d'Hebrón, pero desde o comezo da pandemia, por prevención, os médicos decidiron que era mellor que non fose ao colexio. Unha situación que Carla asume con enteireza porque desde que naceu está habituada a estar illada e a coidarse.

Para dar a coñecer a enfermidade dos nenos burbulla e recadar fondos para investigación, Carla e outros pequenos con esta doenza participaron recentemente nun calendario solidario das fundacións PID de Barcelona e ANADIP de Andalucía.