En balonmán, os dous equipos galegos da Asobal despediron o ano con derrota.

O Cangas caeu en Benidorm por 25 a 23, que lle impide saír dos postos de descenso. Os de Nacho Moyano competiron ben durante case todo o encontro e chegaron a ir gañando de tres no ecuador do segundo tempo.

O Cisne púxolle as cousas difíciles ao Ademar, chegou a empatar, pero non foi quen de superalo. Perdeu 25-29. Os pontevedreses chegan á parada de Nadal na décimo sétima posición, con 7 puntos, os mesmos que o Cangas.