As asociacións galegas de dano cerebral fixeron o último tramo do Camiño de Santiago. Na andaina participaron varios afectados por dano cerebral adquirido e os seus familiares.

Á súa chegada ao Obradoiro foron recibidos pola conselleira de Política Social, á que despois se sumaron o presidente da Xunta, o alcalde de Santiago e membros da corporación municipal.