O remeiro noiés Caetano Horta está ás portas dos Xogos Olímpicos logo da renuncia do moañés Rodrigo Conde. Horta conta con opcións de acompañar a Manel Belastegui no dobre scull. Ten dezaoito anos e foi campión mundial júnior nesta especialidade. Agora vai disputar o europeo absoluto na cidade italiana de Varese e, se queda entre os oito primeiros, estará en Toquio. Así de sinxelo, e así de difícil, ao mesmo tempo.