Preto de Santiago, polos montes de Brión, anda solto un touro. O animal escapou de onda esta cabana de vacún estabulada no lugar de Sabaxáns, no concello de Brión. Ao parecer, non é a primeira vez que sucede.

O recinto, que albergou un aserradoiro e almacén de madeira tempo atrrás, está na estrada que enlaza coa Escravitude e con vivendas ao redor. 

Este mediodía un operario revisaba o cerramento na parte posterior da instalación, por onde se vía a pegada do que sería o punto de fuxida do touro.

Efectivos de Urxencias Supramunicipais deron unha batida polo monte esta mañá, pero sen éxito.