CRTVG

Buscar

A muller do home desaparecido no Saviñao pide máis medios

Publicado o 26/02/2019 11:59

As forzas de seguridade continúan á procura de Emilio Pintor, un home de 43 anos que leva desaparecido dende a madrugada do venres. Residía na Coruña, pero é no concello do Saviñao onde o sitúa o último sinal emitido polo seu teléfono móbil. Agora a súa busca estase a centrar no leito do río Miño entre Belesar e a praia da Cova.

Na súa busca participan grupos especiais de actividades subacuáticas da Garda Civil e da Policía Nacional e tamén participou un helicóptero e mesmo drons da Axencia Galega de Emerxencias, pero non hai rastro do home. A familia do desparecido amósase desesperada ante a falta de pistas que leven ata o seu paradoiro e reclama máis medios.

Piden tamén a colaboración cidadá por se alguén o viu. Sinalan que vestía cun vaqueiro azul e un suadoiro granate e conduce un Citroën AX con matrícula de Pontevedra.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

26/02/2019