CRTVG

Buscar

Buscan a entrada da muralla do castro de Doade

Publicado o 01/06/2021 16:32

En Lalín está a piques de rematar a sétima campaña de escavación do castro de Doade, unha iniciativa privada que promove o Museo Etnográfico Casa do Patrón.

Este ano o obxectivo era descubrir a porta da muralla, e tanto o equipo de arqueólogos como o promotor cruzan os dedos para dar con ese acceso antes de que a campaña finalice.

Os catro arqueólogos, estudantes, e Manolo Blanco, o promotor privado da campaña, están impacientes. Nestas tres semanas de escavación o equipo descubriu un muro que non segue a liña da muralla que apareceu o ano pasado.

Ninguén quere marchar o luns sen dar coa entrada a este castro da Idade de Ferro así que decidiron prolongar a escavación uns días máis. Manolo teme polas súas finanzas. Aínda que vai conseguindo algunha subvención, paga do seu peto o traballo.

Tras esta fase toca estudar os restos atopados que acabarán expostos no Museo Etnográfico Casa do Patrón.

Noticias web

01/06/2021