No concello de Santiago, o alcalde someterase o mércores a unha cuestión de confianza para sacar adiante os presupostos municipais. O seu proxecto económico foi rexeitado en bloque pola oposición.

PP, Compostela Aberta e BNG cuestionan a vontade do Goberno socialista para pechar un acordo e acusan a Bugallo de manter unha actitude soberbia. O alcalde dixo que no pleno do 17 agarda responsabilidade por parte dos tres grupos.