Europa pelexará nos tribunais con AstraZeneca para que cumpra o pactado e asegure que os cidadáns poden completar a súa pauta de vacinación. Hoxe víronse as caras por primeira vez nun tribunal polo incumprimento da farmacéutica nas entregas de doses pactadas. Entregou 30 millóns e tiña comprometidos 120. 

A Comisión Europea asegura que con este movemento xudicial só queren que AstraZeneca se vexa forzada a cumprir co pactado, xa que estes atrasos estarían sendo un dos motivos da lentitude da estratexia de vacinación europea contra o coronavirus. O laboratorio argumentou que os atrasos nas entregas foron inevitables.