A Comisión Europea propón manter pechadas as súas fronteiras exteriores ata o 15 de xuño. Bruxelas cre que a situación sanitaria segue sendo fráxil e que haberá que agardar a que se levanten primeiro as restricións interiores vixentes en varios países membros. A prohibición de entrar na Unión non rexe para os cidadáns comunitarios, para os de terceiros países con residencia na Unión ou para traballadores de sectores esenciais.