Bruxelas lamenta o trato que recibiu a presidenta da Comisión Europea en Turquía. Ursula von der Leyen e mais o presidente do Consello Europeo foron recibidos no palacio presidencial de Ankara polo presidente Erdogan.

No recinto onde se reuniron había dúas cadeiras centrais, que foron ocupadas por Michel e o mandatario turco, mentres que a xefa do executivo comunitario quedou relegada a un sofá lateral. Bruxelas pediulle explicacións a Turquía, que sostén que non infrinxiu o protocolo europeo.