Bruxelas recomenda aos estados de Unión Europea que manteñan os niveis de axudas públicas ás empresas, aos fogares e á economía en xeral. E confirma que o cumprimento dos obxectivos de déficit e débeda non será obrigatorio polo menos ata 2023. Son boas novas para España e as comunidades autónomas.

Non terán que preocuparse por posibles sancións de Bruxelas se exceden os límites de endebedamento. As recomendacións fiscais da Comisión Europea ofrecen maior relaxación no rigor das contas públicas. E axudarán a que cada goberno entregue en abril ambiciosos plans de recuperación. A Comisión recomenda manter este 2021 e en 2022 a cláusula de escape das normas de déficit porque o continente aínda tardará ano e medio en recuperarse das feridas desta crise. E se para finais do 2022 un país aínda segue por detrás, Bruxelas promete ser flexible. 

Este discurso de aposta por non erguer o pé do acelerador do gasto público contrasta coa política de rigor fiscal imposta pola Comisión na pasada crise.