Bruxelas esixe á Volkswagen que pague aos consumidores dos coches afectados polo falseamento das emisións contaminantes, o coñecido como 'dieselgate'. En Galicia, ata agora, só uns poucos dos preto de 30.000 afectados recibiron unha compensación. Agora, as autoridades europeas endurecen as súas esixencias. 

As compensacións económicas e multas a Volkswagen por trucar voluntariamente os motores de miles dos coches son moi dispares en Europa. En Alemaña, a automobilística si se comprometeu a indemnizar con 30.000 euros aos clientes. Pero non no resto da UE. En España, un xulgado obrigouno a pagar só a décima parte.

Por iso, agora a Comisión e as autoridades europeas de consumo esíxenlle o mesmo trato a todos os clientes. Acusan a Volkswagen de prácticas comerciais ilegais e de enganos intencionados. Na súa carta, Bruxelas denuncia que a automobilística nonbusca solucións e prefire litigar durante anos.

Seis anos despois, os afectados polo 'dieselgate' aínda perseguen compensacións, e só uns centos dos preto de 30.000 galegos afectados as recibiron.