CRTVG

Buscar

Ábrese o debate no Congreso da lei de eutanasia con polémica

Publicado o 11/02/2020 17:49

• O PP vencella a lei do PSOE cunha política de aforro

O PP asegurou este martes que detrás da lei de eutanasia que promoven os socialistas está a "filosofía" de "evitar o custo social" que supón o avellantamento en España e de "aforrar" en materia de axudas sociais, pensións e dependencia das persoas maiores. Así o puxo de manifesto o portavoz en materia sanitaria do Grupo Popular, José Ignacio Echániz, ao ser preguntado pola posición da súa formación no debate para tomar en consideración a lei de eutanasia do PSOE que se celebra este martes no Congreso. En declaracións aos medios, Echániz asegurou que no país hai unhas 200.000 persoas susceptibles de ser tratadas con coidados paliativos e que as que acceden a eles "non chegan á metade".

O presidente do Goberno, Pedro Sánchez, asegurou ao PP que o "único que aforrará" a lei de eutanasia é o "sufrimento" de "miles de persoas", polo que os convidou a axudar a "garantir" o dereito a unha morte digna ou "seguir instalados no absurdo e o bloqueo".

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

11/02/2020