CRTVG

Buscar

Brais Méndez: "Non podemos falar de decepción cando vimos de anos tan duros, pero non podemos volver caer niso"

Publicado o 14/10/2021 21:37

Brais ten a alta médica, pero Renato Tapia non ten data de volta. É unha baixa clave nunha posición comprometida.

Brais: "Renato é un xogador moi importante porque abrangue moito campo e somos cinco xogando arriba. É moi, moi importante a súa posición".

Contra o Sevilla o Celta quere retomar o pulso da liga. Brais cre que se pode aspirar a Europa pero sen esquecer a traxectoria recente.

Brais: "Falar de decepción cando vimos de anos tan duros... creo que hai que ter os pés na terra. O dos últimos anos non pode ser unha referenza para nós. Non podemos volver caer niso pero como te deixes ir ou non deas cambiado a dinámica vas sufrir".

Brais asumiu con naturalidade a súa suplencia ante o Cádiz, un toque de atención de Coudet.

Brais: "Falou comigo e entendino perfectamente. Como dixo el, ata me veu ben para mirar desde fóra e aprender".

Decpcionante foi a súa lesión xusto antes de poder xogar unha final coa selección española.

Brais: "Foi duro porque traballas para premios así e era un momento bonito. Deron a cara a máis non poder e teríame gustado estar alí".


Polo menos a parada da liga axudouno a recuperarse sen perder ningún partido co Celta e estará ante o Sevilla.

Noticias web

14/10/2021