Comezou a funcionar en Vigo o primeiro hospital de día de Galicia para nenos de 8 a 16 con trastornos mentais. Está situado no Hospital Nicolás Peña e enmárcase no plan de saúde mental da Xunta ata 2024. Este dispositivo, a medio camiño entre a hospitalización e as consultas externas, ten como finalidade proporcionar un tratamento para trastornos graves que aparecen na infancia ou na adolescencia. No novo hospital prevese atender un cento de pacientes ao ano. Nos próximos meses poranse en marcha outras unidades similares en Santiago, Lugo e Ourense.