O empresario multimillonario Michael Bloomberg anunciou este mércores a súa retirada das eleccións primarias demócratas tras os pobres resultados obtidos onte no coñecido como supermartes, e apoiará o ex-vicepresidente Joe Biden.

"Hai tres meses, entrei na carreira presidencial para derrotar a Donald Trump. Hoxe, deixo a carreira pola mesma razón; para derrotar a Donald Trump", asegurou nun comunicado, en que subliñou que "está claro que o candidato (óptimo) é o meu amigo e gran estadounidense, Joe Biden".