Hoxe volveu declarar nos xulgados o extesoureiro do PP Luis Bárcenas. O xuíz da Audiencia Nacional quere saber se as doazóns que fixeron empresarios ao partido, e que están anotadas nos famosos papeis de Bárcenas, se fixeron a cambio da adxudicación de obras públicas.

O antigo contable apuntou hoxe que eran os ministros de Fomento e Medio Ambiente os que trataban directamente cos doadores, entre os que mencionou a Francisco Álvarez Cascos.