O pavillón do Gatañal acolle desde hai apenas uns segundos, o primeiro partido oficial con ocupación reducida desde que comezou o pesadelo da pandemia. Encontro Balonmán Cangas-Bidasoa, que supón a estrea do Balonmán Cangas na Liga Asobal. Só 600 persoas poden desfrutar arestora deste partido. O protocolo de seguridade obrigiu a reducir a capacidade do pavillón. A todos os espectadores se lles tomou a temperatura, aplicación de xel e deben levar máscara. Non se pode comer durante o partido e non poden acceder á pista. Hoxe é máis noticia o que rodea ao partido que o propio partido. É a imaxe da nova normalidade...