A recuperación das exportacións de mercadorías botou o freo e todos os sectores rexistraron cifras negativas no inicio deste ano. O Barómetro Exportador de Galicia subliña que en xaneiro baixaron un 18 por cento con respecto ao mesmo período do ano anterior.

Nin sequera a automoción logrou conter esta baixada, malia que o seu volume de vendas permitiu que Galicia siga obtendo mellores datos acumulados que a media española. Tras o colapso provocado pola pandemia, as exportacións non deixaran de medrar desde maio do ano pasado.