Cinco maiores da residencia de Chantada son os únicos usuarios contaxiados de covid nos centros galegos. Tamén é positivo un traballador da mesma instalación. Segundo Política Social, todos os maiores tiñan xa a pauta completa de vacinación e un dos empregados estaba á espera da segunda, segundo marca o protocolo.

Este gromo detectado o pasado 30 de abril, e único en Galicia, rompeu coa tendencia de catorce días consecutivos sen casos activos nestes centros, xa que o 16 dese mes obtivo a alta o último traballador contaxiado. Os últimos positivos de maiores foron os do gromo da residencia de Silleda, a mediados de marzo.