Deron positivo dous traballadores e un usuario máis da residencia de maiores Nosa Señora do Viso de Lobeira. En total na residencia deste concello ourensán, da Fundación San Rosendo, hai arestora 47 usuarios contaxiados. A residencia de maiores con máis casos activos segue sendo a de Outeiro de Rei, con 153, seguida da do Incio, as dúas en Lugo. Na primeira onda da pandemia case a metade das defuncións producidas por covid−19 en Galicia foron de usuarios de residencias, e nesta segunda onda, a porcentaxe é moi semellante.