O certo é que o foco da covid se pon, cada vez máis, en persoas novas. Os contaxiados por covid e os enfermos que acaban ingresados van baixando a media de idade segundo avanza a vacinación. En Lugo, por exemplo, un dos pacientes de coronavirus ingresados na UCI ten só 35 anos.

Trátase dun dos contaxiados no gromo que afecta desde hai varios días Viveiro, que nas últimas horas superou xa os 60 positivos e se estendeu a varios concellos da Mariña. O home, de 35 anos, permaneceu ingresado durante varios días no hospital de Burela, pero finalmente foi trasladado á UCI do Hula por unha pneumonía bilateral.