É unha balea azul, a especie máis grande do planeta. Este é un exemplar pequeno, de apenas 17 metros. Avistouna nas últimas horas na costa galega un equipo do Instituto para o Estudo dos Golfiños Mulares. Seguírona durante tres horas mentres se desprazaba entre as illas Cíes e Sálvora.

Hai uns días avistouse outro exemplar de balea azul preto das Ons. Semella que a estes cetáceos lles gusta alimentarse nas nosas augas.