Podería pasar por un día calquera do inverno, Vai frío, chove de forma persistente e hai temporal no mar. Ondas de ata seis metros de altura manteñen activo un aviso laranxa no litoral da Coruña e de Pontevedra. Tamén se deixou sentir o vento, que soprou do noroeste con forza sete.

Os termómetros apenas rozaron os dez graos na Coruña e pouco máis subiron no litoral pontevedrés. O día deixa mar revolto, temperaturas máximas baixas para o agardado nesta época do ano e chuvia intensa e persistente. Ningún destes factores amedrentou os asiduos do paseo marítimo. Roupa de inverno para unha primavera borrascosa.

A chuvia seguirá acompañándonos. O temporal no mar irá remitindo ao longo do día.