Despois dun xullo sen calor, estas temperaturas, xa máis propias do verán ourensán foron recibidas con ledicia pola maioría.
Pero con isto do tempo, xa se sabe, hai para todos os pareceres.

Esta tarde está previsto que se superen os 40 graos de onte na Arnoia e os 39 de Ourense. E con estas temperaturas, cada quen busca o seu remedio.

O aviso amarelo esta tarde chega a zona do Miño, ao sur da provincia e a Valdeorras.
Con estas condicións, o índice de risco de incendio forestal é máximo hoxe na provincia de Ourense, moita precaución.