En Santiago quedamos. Desde hai uns anos para aquí, as Marías, ou as Dúas en punto, como tamén lles chamaban, convertéronse nun símbolo para a cidade de Santiago. Moitos santiagueses aínda as recordan paseando, e miles de turistas fan fotos na súa estatua, que fixera César Lombera.

Pero, que sabemos das Marías? Quen eran e como foi a vida de María e Coralia Fandiño Ricart? As repostas, neste libro de Áurea Sánchez que hoxe nos acompaña.