Aumentan en Galicia os casos activos de covid, pero diminúe a ocupación hospitalaria
• Os contaxios detectados aumentan case o dobre respecto ao día anterior
Os casos activos van en aumento (+31). En total, hai 450 persoas con coronavirus en Galicia.
En canto aos contaxios, estes tamén soben con respecto ao día anterior (+21). Foron detectados 45 novos casos por probas diagnósticas.
Por áreas sanitarias, a repartición de casos activos é a seguinte:
Vigo: 74 (+4)
A Coruña: 134 (+4)
Pontevedra: 53 (+2)
Santiago: 74 (+5)
Ourense: 51 (+9)
Lugo: 35 (+2)
Ferrol: 29 (+5)
En canto á ocupación hospitalaria, descenden as persoas ingresadas na UCI (-1) e en planta (-1), quedando só 23 persoas ingresadas, 6 en coidados intensivos e 17 en planta. Con todo, o Sergas notificou un deceso por mor da covid, elevando a cifra a 2.650 desde o inicio da pandemia.