CRTVG

Buscar

Atopan sen vida e sen sinais de violencia unha muller nunha vivenda en Cee

Publicado o 24/06/2019 09:41
Atopan sen vida e sen sinais de violencia unha muller nunha vivenda en Cee

Unha muller foi localizada falecida este luns na caseta dunha leira nunha vivenda no termo municipal de Cee por efectivos dos bombeiros da Costa da Morte tras o aviso dos veciños de que había un par de días que non contestaba.

Segundo relataron fontes dos bombeiros, ás 2,44 horas deste luns recibiron o aviso da Garda Civil, que lles pediu colaboración para acceder a unha vivenda no número 10 da rúa Río Ferrol, en Cee, porque a persoa que residía no interior non respondía. As mesmas fontes explicaron que se necesitaba unha escaleira de man para acceder ao recinto da vivenda, rodeada por un muro, pero, ao ter este material retirado porque non cumpre a normativa de seguridade, procederon a poñer o vehículo xunto ao muro e saltar ao interior da leira, situada no caso urbano de Cee.

Os bombeiros atoparon nunha caseta no xardín, onde lles preparaba a comida ás súas mascotas, á muller sentada falecida, aparentemente sen sinais de violencia, polo que apuntan a morte natural. A muller, unha mallorquina de mediana idade, residía de alugueiro na vivenda e veciños alertaron de que levaban un par de días as luces acesas e que non respondía ninguén no interior.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

24/06/2019