En Padrón atoparon morto este mediodía un home no interior da súa casa, no lugar de Estramundi. Os veciños deron a voz de alerta ao decatárense de que non recollía o pan da porta. Axentes da Garda Civil entraron cunha escaleira e atopárono tirado no chan e co seu can a carón del.

O falecido tiña 68 anos, fora axente da Garda Civil, profesor e enfermeiro. En principio, non se apreciaron sinais de violencia e todo apunta a que a morte se produciu por causas naturais. A autopsia sacaranos de dúbidas nas vindeiras horas.